nociella

  Startseite
  Über...
  Archiv
  Gedichte
  Rezepte
  Gästebuch
  Kontakt
 

  Abonnieren
 



  Freunde
   
    sunny1011

    - mehr Freunde




  Links
   Nici
   Annika
   Mareike
   Ini
   Dawomagi
   Bianka
   Baer
   Kerstin
   Nicole
   Sonia
   Nina die Rote
   Schoki
   Blanka
   Heidy
   Bini



http://myblog.de/nociella

Gratis bloggen bei
myblog.de





Weihnachten aus a andern Sicht..

Jez is da de stade Zeit,
wo ma de hod so lang drauf g'freit...
Ruhig besinnlich stad,
draus'd a Winterlüftal waad.
Kinder basteln, Mamas back'n,
zwischendrin hörst Nüsse knack'n.
In'da Stubn wird's kuschlig g'macht,
und jeder wart auf d'Heilige Nacht..

So soid's sei so wär des richtig,
aber heut'ztag is so vui anders wichtig.
Adventszeit aus a andern Sicht,
stade Zeit in am andern Licht.
Ko sei das machmoi euch so geht,
wia's in de nächst'n G'stanzerl steht...

Ja guad das endlich is soweit,
des hat ja wirklich koan mehr greit.
Im September fangds scho oh,
das ma Lebkuacha kaffa ko.
Und bei 20 Grod im Schatt'n,
konnst no paar Euros dann brapp'n,
kaufst an Glühwein in der Stod,
weil's Eiskaffee scho gschloss'n hod.
Überoi liegt's in der Luft
der Zimtgeruch und Platzerlduft.
Vanillekipfers - Spritzgebäck
sovui das Weihnachtn dann koam mehr schmeckt.

Alles is sche dekoriert,
mit Christmas-Schnee der niemals g'friert,
Fenster zugepappt, Kerzn brenna,
Feierwehr braucht se ned darenna,
weil ois is Plastik, nimmer echt,
i woas ned, mir is des ned recht.

Überall siehst Zweigerl ranken,
Nikoläus durch Strassen schwanken.
Menschen sausen hin und her,
ois ob nächsten Tog gibt's gar nix mehr,
rumpeln rum und brausen,
eine Hektik und ein Sausen,
weil an alle Leut sollst denk'n,
und jedm a was passend's schenk'n.

Und ois wird kafft, Krawattn für's Kind,
Lego für Papas, de nia erwachsn sind,
für'd Mudda an Lump'n zum putz'n,
warum nix kaffa was ned hat an Nutz'n?
Und in der groß'n Parüfmerei,
für'd Schwiegermutta no a Schmiererei.

Radio konnst a nimma hern,
Rudolf mit seiner roten Nos'n,
Engel mit tausend Trompetn blos'n,
vom Himmel hoch da kimm i her,
Jingle Bells und so vui mehr,
doch du herst koane Engel singa,
weil dir ja d'Ohrwaschl scho klinga.

Zu Weihnachtn d ghert a Bam,
den wui ja wirklich jeda ham.
Endlich hast a Tanne gfundn,
selba gschlong, was hast di geschundn.
Bringstas hoam, da stellt se raus,
der Bam is z'groß, oder z'kloa die Haus.
Zwoa Stund späda is alles guad...
du hast as geschafft mit Schweiss und Bluad,
weil dei kloana Finga hots dawischt,
der Spass an Weihnachten immer mehr verlischt.

Der Bam dann stehd im Ständer drin,
7-8 Kugeln san a scho hin,
nur no de Spitzn, de ghert nauf,
koa Problem, de hock ma drauf,
nauf auf'd Loadda...wundert koan...
obagfoin...an brochna oarm.

Am Omd kimmt des, was ma Verwandtschaft nennt,
Muatta hotse hoib darennt,
das rechtzeitig ois fertig werd.
Sois sauber sei, dass ja koan stört,
auframma, putz'n und a no kocha,
ja...des hod ma dann a grocha,
mei, ihr kenntses ja daraten,
nix wars mit dem Weihnachtsbraten.
Nix aussen knusprig, innen zart,
der war kohlschwarz und mehr wia hart.

Nach vier, fünf Schnapsal hoste gfanga,
irgendwann san d'Leut hoamganga.
Rumlieng doad nur der Rest,
von am fast perfekten Weihnachtsfest.
Legst di ins Bett und denkst wie imma,
es hätt sei kenna no vui schlimma.
I sog des jez a moi ganz kess,
des ois kimmt nur vom Weihnachtsstress.
I pfeiff auf jedes helle Licht
genauso wia aufs Weihnachtsg'dicht,
dann brauchti a koa brennad Kerzn,
wenn des ois ned kimmt von Herzen.
S'hoast ned nur so Stille Nacht,
da hodse scho jemand Gedanken gmacht.
Drum is mei Wunsch ganz fromm und frei...
lasz Weihnachten wieder Heil'ger Abend sei..

In diesem Sinne ein schönes Weihnachtsfest. Ich weiss schon, warum ich dieses Jahr wieder nicht zu Hause bin
28.2.05 17:13


Werbung





Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung